Allar kanínur uppseldar þetta árið

20.10.2011 21:15

Loksins myndir af söluungum

Til sölu/for sale........

Í kvöld munu týnast inn fleiri myndir á sölusíðuna hér en ég fékk símhringingu frá Ungverjalandi í dag og átti gott spjall við mann þar sem er að aðstoða vin sinn hér á landi við kaup á kanínum á búinu.
Alltaf gaman að fá nýja kúnna sem kunna að meta það sem maður er að gera og fá innsýn í þeirra kanínuræktun.
Eitthvað er til af Castor Rex ennþá og einnig Loop en síðustu læður verða paraðar núna á næstunni en svo fara þær allar í vetrarfrí.

Þessi fallega kanína er 75%Angóra og Loop en er með Loop feld að mestu.
Ég gerði smá tilraun sem er búin að taka tæp 2 ár og eftir að hafa parað saman tvo ættliði af Angóra og Loop þá fékk ég megnið af ungum með venjulegann feld og tvo með Angórafeld.

Hér er 75%Angóru högni sem ætlar að halda áfram með mér við tilraunina sem ég er að gera:)

Eitt kom á óvart í þessari tilraun en hann Sprelli minn (100% Angóra) sem ég er að nota og para við 50%Angóra 50%Loop læður áttu saman ridsagot sem voru 11 ungar hjá annari og 13 ungar hjá hinni!

Þetta er ekki nógu gott því að læðurnar mjólka ekki ofaní svona stóra hópa og þurfti ég að leita að fósturmæðrum fyrir nokkra þeirra en í svona systkina hópum verða ungarnir yfirleitt minni en ella ef þeir væru færri um mjólkina.

Skrifað af Ransý

30.08.2011 23:31

Glimrandi sala og innbrot......

Þetta sumar hefur gengið alveg glimrandi vel og mikið af ungum komst á legg og mikið hefur selst af þeim.

Þó finn ég aðeins fyrir kreppunni en aðalsalan hefur verið til kúnna sem hafa keypt áður kanínur hjá mér.

Verðið er það sama og undanfarin ár enda tel ég mig ekki þurfa að hækka það.

Um daginn skeði það leiðinda atvik að brotist var inní útihúsin hjá okkur og farið innum allt og í gegnum kanínusalinn og inná kaffistofu og tóku innbrotsþjófarnir nýju fínu kanínuklippurnar mínar og dýralyfjakassann minn sem ég var með og var hann fullur af sprautum og sprautunálum sem hafa heillað.
Einnig var þar ormalyf handa kindum og hestum þannig að þjófarnir ættu að vera lausir við orma skulum við vona.

Ég var svoooooooooo............sár!

En ég er búin að panta mér aðrar klippur frá Þýskalandi sem að koma í Október.

Oster Power Max sem eru með tveimur hraðastillingum og fæ ég tvær tegundir af kömbum með henni.

Hér eru myndir af þeim söluungum sem eru tilbúnir til að fara að heiman og orðnir mjög sprækir og lífvænlegir.

Móðir:9503
Faðir:Sprelli Angóra

Fæddir 24 Apríl 2011

Móðir:7615
Faðir:9532

Fæddir:28 Apríl 2011

Móðir:9546
Faðir:9532

Fæddir:23 Júní

Móðir:8420
Faðir:Ópal

Fæddir:22 Maí 2011

Móðir:9566
Faðir:Ópal

Fæddir:14 Mars

Þeir sem eiga pöntuð dýr eru vinsamlega beðnir um að drífa sig og sækja þau:)

Skrifað af Ransý

16.07.2011 15:08

Angórakallinn Sprelli klippur og börnin hans

Fyrir klippingu

Það var komið að klippingu á honum Sprella og alveg upplagt að prófa nýju klippurnar sem ég keypti hjá Ísbú í verkið.

Það tók svolitla stund að rifja upp gamla takta frá því ég var klippari í Kanínumiðstöðinni í Njarðvík fyrir margt löngu og var það mesta furða hvað mér tókst að klippa blessað dýrið þó dauðhrætt væri.

Eina sem ég gat sett útá klippurnar var að kamburinn hefði mátt vera ögn grófari þá hefði þetta gengið hraðar fyrir sig.

Einnig var vinnuhæðin við borðið alltof hátt fyrir mig þannig að ég varð að standa og gat þá ekki notað aðferðir við að klippa td afturpartinn og kvið á eins auðveldann hátt og hægt er ef maður situr við verkið með borð í réttri hæð.

Eftir klippingur þarsem ég reyndi að fá fyrirgefningu hjá honum með ýmsum ráðum:)

Ekki gaf hann mikla fiðu í þessari klippingu en fiðan vóg 100 grömm.

En hann er braggalegri á skrokkinn en hann er vanur að vera en hann fær líka helmingi meira fóður en hin dýrin vegna fiðuframleiðslunnar sem tekur alltaf mikið til sín hjá Angórunni.

Sprelli er frjósamur en lítill.

Hann var paraður í vor við tvær læður og komu samanlagt 23 ungar undan honum!

Lítil 75% Angórastelpa:)

Í öðru gotinu eru ungar sem eru 75% Angóra og 25% Franskur Væddari.
Þar fæddust 10 ungar og 2 af þeim eru gríðalega loðnir og fallegir.Svo flottir að systkini þeirra gátu ekki látið þau í friði og sleiktu megnið af fiðunni af þeim!

Lítill 75% Angóra strákur:)

Ég sá þessa hegðun oft í Kanínumiðstöðinni en þá þurfti að splitta upp ungunum til að koma í veg fyrir þetta og ég tók á það ráð að taka mömmuna og þá tvo og setja í sér búr.
Þá fá þeir að njóta móðurmjólkurinnar lengur en hinir sprellarnir.

Eineltis hrellirarnir ógurlegu sem að sleiktu fiðuna af systkinum sínum.

Nú er kominn tími á að tattúvera ungana og er ég loksins búin að finna út áframhaldandi númerarkerfi á þá.
Farin út að merkja:)!

Skrifað af Ransý

22.06.2011 18:18

Fyrsta Angóra tilraunagotið að fara á sölulistann

Hér eru fyrstu ungarnir sem eru undan læðu frá í fyrra 2010 sem er 50% Angóra og 50% Franskur Væddari (holdakanína) og eru ungarnir undan 100% Angóra kalli.

Sprelli frá Árbakka pabbi unganna með brauðið sitt.

Verð á öllum kanínum hjá okkur er 5000-krónur.

Bæti inn fleirum myndum í kvöld elskurnar mínar.Sýnið mér þolinmæði því það er alltaf eitthvað annað að ske sem að truflar mig í tölvuvinnunni:)

Skrifað af Ransý

21.06.2011 13:10

Mikil frjósemi í hvítu kanínunum

Hér gengur pörun með hægara móti en sauðburður tók mikinn tíma frá kanínunum og ekki við þær að sakast.

Ég notaði í ár hann Sprella Angóra kall á örfáar læður en ég er að gera smá tilraun með Angóra og Franska Væddarann og gengur það svona glimrandi vel.

Fyrstu læðurnar tvær sem fengu við Sprella komu með 10 í öðru gotinu og 13 í hinu!

Satt best að segja þá eru þetta ekki spennandi tölur en þetta hefur ekki skeð hér í áratug eða svo en þá fékk ég 14 unga í einu gotu hjá Castor Rex pari.

Þegar að svona nokkuð skeður þá lauma ég ungum undir aðrar læður og hefur það reynst vel og eru Castor Rex læðurnar mjög góðar fósturmæður.

Ungar hafa verið að sejast og margir að spyrja og spá en í dag fer ég með cameruna og mynda þær kanínur sem fara á sölulistann og uppfæri hann en ég hef ekki verið nógu dugleg að gera það.

Svo er verið að plana aðalfund hjá KRÍ en hann verður í Júlí og nánari fréttir verða á síðu Kanínuræktarfélags Íslands mjög fljótlega.

Skrifað af Ransý